ZORAM TODAY| Aizawl 7th June, 2024 (Fri):  Vawiin khan Tualpui khawtlang chuan an khaw chhuak Lalduhoma, Mizoram Chief Minister anih lawmna leh chawimawina hun ropui takin an hmang.

Tualpui Mual Zawla Vantlang inkhawmah hian Chief Minister Lalduhoma hian Tualpui khawtlangin an khaw tan chauh ni lo, ram pum leh bial huapa inang tlanga hmasawnna hna thawh an duh tih an sawi chu a ropui hle a ni, a ti a. Kalkhawmte chu Tualpui khua tihmingchhetu ni lo tur leh Tualpui khaw hmingthatna - buh ngah, hlo thlawh chak leh taima khua an nihna chhawm nung zel zawk turin CM hian a chah. Mimal, chhungkua leh khawtlang min runtu ruihhlo laka fihlim theuh turin a ngen bawk.

 Adviser to CM, Champhai North bialtu Er. H. Ginzalala chuan Chief Minister lim a hawng a ni.

He hunah hian CM Lalduhoma bakah  Minister pahnih- Prof. Lalnilawma, Lalnghinglova Hmar, V. Malsawmtluanga, MLA; ZPM President Lalliansawta leh Khawzawl DC K. Lalrohlua te pawhin thu an sawi.

Chief Minister Pu Lalduhoma hi a nupui Pi Liansailovi leh a chhungten an tawiawm a.  PC Vanlalruata, Agriculture Minister; Vanlalhlana, PWD Minister; Prof Lalnilawma, RD Minister;  Lalnghinglova Hmar, Sports Minister;  Lalfamkima, Deputy Speaker; W. Chhuanawma, Deputy Govt. Chief Whip, MLA Tuichang; Er. H Ginzalala, Adviser to CM (Technical), Champhai North MLA;  V. Malsawmtluanga, Vice Chairman Lunglei HPC, Lunglei North MLA; Lalchhuanthanga, Aizawl South II MLA;  Jeje Lalpekhlua, South Tuipui MLA; Lt. Col Clement Lalhmingthanga, Champhai South MLA;  Lalliansawta, Chairman ZOHANDCO; JK Dawngzuala, Chairman, ZIDCO;  Lalthazuala Royte, Chairman, MIFCO;  C. Lalremliana, Chairman, MKVI;  Isaac Malsawma, Chairman, MAMCO, K. Lalrohlua, Khawzawl DC, Lalchhuanthanga, Khawzawl SP leh sawrkar official-te pawhin he hun hi an hman pui a ni.